２１／１０／０８（火）

超討厭呀！
晨早起身已經唔舒服，唔係個身唔舒服，係個心唔舒服
好耐未試過一早就超ｄｏｗｎ，ｄｏｗｎ到眼濕濕既地步
之後晏晝出去補習，竟然真係輪到個身唔舒服，腳浮浮想嘔既感覺
因為之後仲要坐船，心諗實死梗～
一上到船就合埋雙眼，精神上訓著左ＸＤ
好彩到岸果陣知醒姐，哈哈～～

之後照舊過左香港同日本人小朋友補習
平時日本人媽媽同我講野都係用英文既，但唔知點解尋日開始就變左用日文
唔知點解佢又超級健談，乜都講咁
補習之前同之後同佢傾左好多計
臨走果時佢問我ｏ係邊度學日文同埋點解會識講咁多，仲連續講左好多句「すごい」，搞到我都有ｄ唔好意思
佢仲話我可以教日文（←呢句實在太誇張)
雖然唔係第一次比日本人讚，但比「老細」讚係第一次ＸＤ
識得咁多日文，一定要歸功於我既日本朋友們
係佢地比我好多練習既機會
當然仲有ＷａＴ！

講起ＷａＴ，係佢地比個空間我抽離殘酷既現實世界
今日睇左「３６℃」既ＰＶ
呵呵呵。。。。
非常之正！
徹平雖然成日比人話ｋａｗａｉｉ　ｋａｗａｉｉ，但今次個ＰＶ真係めっちゃめっちゃカッコイイ！
寫歌詞寫到好攰果個樣好型呀！（係唔係唔明？？）
哈哈，可能係我鐘意果個しぐさ
發嬲果個表情我都好鐘意呀～哈哈～～～
總之就係好鐘意啦～哈哈～
冇錯，我係變態的ＸＤＤ
最後同瑛士和好如初果幾個ｓｃｅｎｅ，真係夠曬ラブラブ（笑）
佢地兩個一定有ｄ野。。。哈哈哈哈。。。

仲有個半星期，不過我一ｄ實感都冇(>_<)